Florcom Gardens

Plant van die week

Ximenia caffra

Gewone naam:

Suurpruim

Groeibeskrywing:

Bygaande fotos is gedurende Desember op die Wolhuterstaptoer in die Krugerwildtuin geneem.

Klein bladwisselende boompie met opvallende rooi vrugte wat gedurende die somer ryp word. Vrugte is eetbaar, met ‘n baie hoë vitamie C inhoud en baie suur.

Bas is donker en skurf.

Blare is dig byeen aan kort sytakkies.

Tuinplasing:

Plant in volle son en is veral geskik om voëls na tuine te lok.

Gehardheid:

Rypgevoelig.

Voortplanting:

Plant slegs deur middel van saad voort.

Land van oorsprong:

Sleutelwoorde: Suurpruim, Ximenia caffra.

Baie opvallende plant waarvan die stam ‘n dik bolvormige verdikking op die grondoppervlak maak. Die poniestert is inheems in Mexico.Kan as ‘n dekoratiewe plant in die tuin of in potte geplant word. Alhoewel dit ‘n stadige groeier is, sal dit mettertyd nodig wees in ‘n groter pot of in die grond oor te plant.

Die poniestert moet in ‘n warm beskutte posisie geplant word. Kan nie ryp hanteer nie, maar wel matige koue.

Op die volgende foto kan gesien word hoe groot die ‘bol’ na 20 jaar word. Die wortelstelsel bestaan uit klein en dun worteltjies wat nie geboue kan beskadig nie – ‘n groeiende ‘bol’ wat in kontak met mure kom sal ‘n muur egter met gemak kraak.

Plant in goed gedreineerde grond in die son of in semi skadu.

Vermeerder met saad. Vermeerdering vanaf stiggies is gewoonlik nie suksesvol nie. Blomme word op die punt van die stam gedra.

Syngonium is ‘n genus klimplante uit tropiese Amerika.

Die ‘goosefoot’ is ‘n rankerige plant wat binneshuis as ‘n mooi loof-potplant en in warmer gebiede buitenshuis as ‘n grondbedekker gebruik kan word. Skep ook ‘n tropiese atmosfeer indien toegelaat word om teen boomstamme op te rank.
Plant die ‘goosefoot’ in skadu of semi-skadu op ‘n beskutte plek. Indien dit binneshuis in ‘n pot groei, moet warm middagson nie direk op die blare skyn nie.

Die ‘goosefoot’ is ‘n vinnige groeier wat ‘n subtropiese atmosfeer aan ‘n tuin verleen.
Vermeerdering is maklik en word gedoen deur takkies met klein worteltjies vanaf ouer plante te verwyder.

Botaniese naam

Agave attenuate (die genus is afgelei van ‘n Griekse woord wat ‘bewonderingswaardig’ beteken).

Gewone naam

Sonwyser (indien die plant in ‘n bedding groei sal die steel sodanig draai dat die blare na die lig wys).

Groeibeskrywing

Sukkulente, vinniggroeiende immergroen plant met groot opvallende blare wat op die einde van die steel groei. Anders as ander spesies van dieselfde genus is die blaarpunte nie hard en stekelrig nie. Gewig van die blare veroorsaak dat die stam nie regop staan nie, blare wys egter altyd na bo of na die lig.

Blomme

Onbeduidende blomme op ‘n lang bloeiwyse.

Tuinplasing

Plant die sonwyser in die skadu, gedeeltelike skadu of in die son. Die sonwyser gee ‘n subtropiese atmosfeer indien dit saam met loofryke plante gegroepeer word. Kan as ‘n aksentplant in ‘n loofbedding gebruik word om ander plante se blaargrootte, vorm en kleur mee af te wissel.

Hoogte en wydte:

Steel word tot 1 meter lank en blare kan onder ideale omstandighede 70 cm lank en 20 cm breed word.

Land van oorsprong

Amerika

Gehardheid

Geharde plante wat son en kouebestand is.

Voortplanting

Plant maklik voort deur middel van sylopers.

Plant van die week

(Fotografie: Fotos is in Florcomgardens se tuin in Nylstroom geneem)

Rhipsalis cereuscula

Rhipsalis cereuscula is van die plantfamilie Cactaceae.

Algemene naam: In hul land van oorsprong staan Rhipsalis cereuscula bekend as die “Rice cactus”.
Groeiwyse: Die Rhipsalis se mees uitstaande kenmerk is die kort vlesige stingels en die feit dat dit ‘n epifiet (lugplant) is.

Epifiete is plante wat op ander plante groei sonder om parasities te wees. Pleks van hul voedingstowwe uit die grond te haal, het hulle wortels wat afhang en lug en vog uit die atmosfeer of verrottende plantreste onttrek.

Baie epifiete het meganismes om water op te berg. Rhipsalis cereuscula berg water in hul vlesige stingels.

Voortplanting: Vermeerder die Rhipsalis cereuscula deur takkies van ‘n moederplant te breek en teen ‘n boom of ander voorwerp te hang. Maak die takkies aanvanklik met toutjies vas, wortels sal spoedig ontwikkel wat die plantjie teen die tak of boom sal heg. Op bygaande foto is vier of vyf takkies met toutjies aan ‘n stomp vasgemaak. Die plant sal die hele stomp binne ‘n jaar of twee toegroei.

Besproeiing en bemesting: Gooi die plantjie gedurende warm periodes gereëld nat. Wees versigtig om nie te veel water gedurende die winter te gee nie. Die plant in die heel boonste foto is reeds ‘n paar jaar oud en het nog nooit enige kunsmis gekry nie.

Land van oorsprong: Argentina, Bolivia, Brazil, Paraguay, Uruguay

Gehardheid: Die Rhipsalis cereuscula verkies skadu of gedeeltelike son. Matig kouebestand.