Plant van die week – Flambojant (Delonix regia)

Gewone naam:

Flambojant.

Die genusnaam (Delonix) is afgelei van die Griekse woorde delos en onyx wat onderskeidelik ‘opvallend’ en ‘klou’ beteken. ‘Opvallend’ verwys na die treffende voorkoms van die boom gedurende blomtyd en ‘klou’ verwys na die vorm van die kroonblare.

Tuinplasing:

Maak seker dat daar genoeg spasie vir die Flambojant se wye kroon van 10 tot 20 meter is. Die Flambojant vertoon besonder mooi waar dit in lanings op sypaadjies aangeplant is.

Groeibeskrywing:

clip_image002

Bladwisselende vinnig groeiende boom met rooi vlammende skarlakenrooi blomme wat treffend laat in die lente vertoon. Tydens blomvorming is die Flambojant een van die aanskoulikste bome. Blare is acacia-agtig en peule word tot 60cm lank.

Blomme:

clip_image004

Skouspelagtige blomme met 5 klouvormige kroonblare. Blomme is ongeveer 7cm in deursnit. Blomblare en stuifmeeldrade is vlamrooi.

Hoogte en wydte:

10 x 20m

Gehardheid:

Nie rypbestand nie.

Voortplanting:

Saad ontkiem maklik indien dit vooraf in warm water geweek word. Hardehout-stiggies kan van sytakkies gemaak word .

Voeding en besproeiing:

Plant in diep, vrugbare grond wat maklik dreineer. Gee genoeg water.

Land van oorsprong:

Madagaskar