Plant van die week – Strelitzia reginae (Strelitziaceae)

Gewone naam

Kraanvoëlblom

Tuinplasing

Plant in beddings of as ‘n fokusplant, in volle son of in gedeeltelike skadu. In koeler gebiede moet die Kraanvoëlblom op ‘n beskutte plek geplant word.

Groeibeskrywing

Immergroen, meerjarige plante met groen piesangboomagtige blare en treffende oranje blomme wat soos eksotiese voëls lyk.

Strelitzia 1

 

Hoogte en wydte

1,5 x 1,5m

Blomvorming

Blom gedurende die winter, maar hoofsaaklik in die lente.

Gehardheid

Aard goed in warm en gematigde klimaatsones. In kouer gebiede moet die Kraanvoëlblom op ‘n beskutte plek geplant word. Blomme is bestand teen wind en gevolglik is die Kraanvoëlblom geskik vir kustuine.

Voeding en besproeiing:

Plant in vrugbare grond en gee genoeg water.

Voortplanting

Vermeerder met saad. Plante kan verdeel word, maar neem dan lank voor blomme geproduseer word.

 Land van oorsprong

Vlag - Suid-Afrika