Suurlemoengras (Lemon grass, Citronella grass)

gebruike en kweek van Suurlemoengras

Familie: Poaceae

Genus en spesie: Cymbopogon citratus

Groeibeskrywing:

Suurlemoengras is ‘n meerjarige polvormige gras. Die blare het ‘n aangename suurlemoen reuk. Groei bosserig en kan in kleiner plantjies opgebreek word.

Gebruike:

Word as krui gebruik om ‘n suurlemoengeur aan kos te verleen. Vars blare gee ‘n aangename suurlemoenreuk aan ‘n vertrek. Word ook aangeplant om insekte weg te dryf.

Gehardheid:

Suurlemoengras is nie rypbestand nie en moet daarom in kouer gebiede in potte op beskutte plekke gekweek word.

Grondtipe:

Verkies goed gedreineerde grond wat klam gehou moet word. Ten einde die grond klam te hou, is dit raadsaam om die grondoppervlak met ‘n deklaag (bv boombas) te bedek.

Voortplanting:

Saad ontkiem maklik. Polle kan ook in kleiner plantjies verdeel word.

Hoogte en wydte:

Die hoogte en wydte is ongeveer 35 x 25 cm.

Oes:

Ten einde die plant nie te beskadig nie moet klein grassies in geheel van die plant verwyder word.

Posted in: