Tuinmaak-wenke: September

Rose:

Strooi 30 gram 11 – 1 – 8 (20) of 8 – 1 – 5 per vierkante meter. Benat die bedding goed na hierdie toediening.

Grasperk:

· Sny grasperk kort en verwyder die ou dooie grasmat.

· Deurlug die grond deur orals gate met spitvurke te druk.

· Maak die gras se oppervlak gelyk deur ‘n dun lagie grond of kompos op die grasoppervlak te strooi.

· Strooi 10 tot 20 gram 2:3:4 korrelkunsmis per vierkante meter – benat goed na hierdie toediening.

Blombeddings:

Strooi 10 tot 20 gram 2:3:4 korrelkunsmis per vierkante meter – benat goed na hierdie toediening.

Bolle:

Somerbolle: Plant somerbolle soos Dahlias, Begonias en Gladiolus.

Lentebolle: Hou aan om bolle wat gedurende die lente geblom het water en kunsmis te gee totdat hul blare doodgaan. Haal die bolle dan uit en stoor. Onthou dat tulpbolle nie goed stoor nie en liewers weer aangekoop moet word.

Blomme:

Plant nou somerblomme soos alyssum, marigolds en lobelias.

Struike en bome:

Dit is nou die ideale tyd om struike en bome in jou tuin te plant. Plant iets treffend soos die Gewone Koraalboom met sy rooi lenteblomme langs ‘n wildepeer met sy opvallende wit lenteblomme (albei hierdie bome is gedurende die lente sonder blare maar oortrek met blomme).

Peste en siektes:

· Strooi slaklokaas sodra slakke hul verskyning maak.

· Spuit al jou sierplante met ‘n insekdoder.

· Stel lokaas of valle vir molle – onthou dat hierdie middels gevaarlik vir ander diertjies en kinders kan wees.

Groente:

Verskeie groentesoorte kan nou geplant of gesaai word. Dink veral aan aartappels, beet, eiervrugte, geelwortels, komkommers, lemoenpampoentjies, pietersielie, skorsies, spinasie en tamaties.

Recent Related Posts