Tuinwenke vir Desember

Rooispinmyt rig baie skade aan terwyl dit warm en droog is. Kyk gedurende Desember uit vir rooispinmyt en behandel met een van die baie middels wat by kwekerye beskikbaar is. Rooispinmyt is klein insekte (so groot soos stofkorrels) wat hoofsaaklik aan die onderkant van blare voorkom. Rooispinmyt suig die sap uit blare. Die gevolg is sieklike plante wat swak groei.

Nog wenke vir Desember:

Maak seker dat skadu-potplante nie in direkte sonlig staan nie.

Behandel clivias en lelies vir lelieboorder.

Sny grasperke gereëld. Verander gereëld rigting van sny sodat riwwe en ongelyke groei voorkom word.

Hou tuin nat en maak seker dat beddings nie uitdroog nie. Probeer om vroeg soggens water te gee.

Die volgende groentes kan gedurende Desember aangeplant word: Aartappels, beet, bone, blomkool, kool, broccoli, komkommers, kropslaai, pampoene, pietersielie, skorsies, soetmielies, spinasie.

Posted in: